Սուրճն օգտակար է սրտի առիթմիայի կանխարգելման համար. գիտնականներ

Գիտնականները պատասխանել են, թե արդյոք արդարացված է այն տարածված կարծիքը, որ սուրճը վնասակար է սրտանոթային համակարգի համար (մասնավորապես՝ առիթմիայի վտանգը)։

Սուրճը օգտակար է սրտի ռիթմի խանգարման՝ առիթմիայի կանխարգելման համար։ Այս մասին հայտնում է JAMA Network մասնագիտացված պորտալը։ Այս եզրակացության են եկել Կալիֆորնիայի համալսարանի գիտնականները՝ ուսումնասիրելով սուրճի ազդեցությունը սրտի ռիթմի վրա։ Նրանք վերլուծել են մոտ 390 հազար մարդու առողջության, գենետիկական բնութագրերի և խմիչքի օգտագործման տվյալները։

Հետազոտության արդյունքում մասնագետները պարզել են, որ սիրտ-անոթային համակարգի համար սուրճի վնասակարության (մասնավորապես՝ առիթմիայի վտանգի) մասին տարածված կարծիքն անհիմն է։

Մասնագետները պարզել են, որ օրվա ընթացքում յուրաքանչյուր լրացուցիչ բաժակ սուրճը երեք տոկոսով նվազեցնում է առիթմիայի վտանգը։ Մասնավորապես, ըմպելիքն օգնում է պայքարել սրտի ռիթմի խանգարումների դեմ, ինչպիսիք են նախասրտերի ֆիբրիլյացիան և վերփորոքային տախիկարդիան: