Փորձագետը բացատրել է, թե ինչ կկատարվի օրգանիզմի հետ, եթե ամեն օր սխտոր ուտեք

Առողջ սնվելու մասնագետ Ալեքսանդր Միրոշնիկովի կարծիքով՝ սխտորը բանջարեղեն է, որը կարող է և՛ վնասել, և՛ օգտակար լինել մարդու օրգանիզմին։

Սննդաբան (առողջ սնվելու մասնագետ) Ալեքսանդր Միրոշնիկովը մանրամասն խոսել է սխտորի օգտակար հատկությունների ու վտանգավորության մասին։

Նրա խոսքով՝ սխտորի մեջ ամենաօգտակար նյութը ալիցինն է, որը սուլֆոնաթթուների հետ միասին կարող է կանխել ուռուցքների զարգացումը և «վատ» խոլեստերինի կուտակումը։ 100 գրամ սխտորը պարունակում է ալիցինի օրական պահանջարկի կեսը, իսկ սրտանոթային հիվանդություններով տառապողները պետք է օրական մեկ պճեղ սխտոր ուտեն։ Բացի այդ, սխտորը պարունակում է ամինաթթու, որը պատասխանատու է ուժի բարձրացման համար:

Սխտորի բացասական հատկությունները ներառում են եթերային յուղերի առկայությունը, որոնք առաջացնում են ախորժակ և ակտիվացնում են ենթաստամոքսային գեղձը, ինչը վտանգավոր է պանկրեատիտի դեպքում։ Ավելին, սխտորը կարող է առաջացնել առիթմիա կամ տախիկարդիա՝ կապված վատ շրջանառության, ինչպես նաև լեղաքարային հիվանդության զարգացման հետ։

Բացի այդ, Միրոշնիկովը կարծում է, որ ֆերմենտացված սեւ սխտորը շատ օգտակար է օրգանիզմի համար։ Այն կարելի է ձեռք բերել սովորական սխտորը տաքացնելով 40-60 աստիճան ջերմաստիճանում։