Gjatë studimit, studiuesit analizuan të dhënat nga më shumë se 386 mijë njerëz që morën pjesë në një studim afatgjatë shëndetësor në MB.
Kafeja nuk rrit rrezikun e aritmisë në shumicën e njerëzve. Përkundrazi, mund të ngadalësojë ritmin e zemrës. Ky përfundim u arrit nga shkencëtarët e Universitetit të Kalifornisë, San Francisko.
Sipas shkencëtarëve, rezultatet e studimit konfirmojnë sigurinë e kafesë dhe hedhin poshtë dogmën e pabazuar se ajo kontribuon në çrregullimet kardiake. Ekspertët kanë demonstruar se çdo filxhan kafe shtesë që një person pi çdo ditë mund të zvogëlojë rrezikun e aritmisë me një mesatare prej rreth tre për qind.
Për ta bërë këtë, ata analizuan të dhënat nga më shumë se 386 mijë njerëz që morën pjesë në një studim afatgjatë shëndetësor në MB. Nga ky numër, rreth 17 mijë persona kanë pasur çrregullime të ritmit të zemrës mesatarisht në 4.5 vjet. Të gjithë pjesëmarrësit u anketuan për sasinë e kafesë që konsumuan.