Sağlam qaraciyər insanın uzunömürlülüyünün açarıdır. Qəhvə qaraciyər sağlamlığı üçün ən faydalı içki olduğu sübut edilmişdir. Bunu diyetoloq Kortni D'Anjelo deyib.
Mütəxəssis, qəhvə içməyin siroz riskini azalda biləcəyini və yağlı qaraciyər xəstəliyindən qoruya biləcəyini göstərən araşdırmalara istinad etdi.
İçkinin faydalı təsiri onunla izah olunur ki, o, yağ yığılmasını azalda bilər və qaraciyərdə zərərli sərbəst radikalların fəaliyyətini neytrallaşdıran və orqan hüceyrələrinin zədələnməsinin qarşısını alan antioksidantların sayını artırır. Qara qəhvə qaraciyərin çapıqlanmasına da müqavimət göstərə bilər.
Dietoloq onu da əlavə edib ki, içkinin faydalı xüsusiyyətlərini qorumaq üçün onu şəkər, süd, yağlı qaymaq əlavə etmədən içmək lazımdır.