İsveçrə alimləri qrupu yaşıl çayın müntəzəm istehlakının insan orqanizminin uzunömürlülüyünə faydalı təsir göstərdiyi barədə maraqlı nəticəyə gəlib.
Yaşıl çayın tərkibindəki katexin maddələri hüceyrələrdə oksidləşdirici stressi boğmur, əksinə, onu təhrik edir. MedicalXpress-in press-relizinə əsasən, bu qənaətə ETH Sürixin (İsveçrə) alimləri gəliblər.
Tədqiqatçılar katexinlərin Caenorhabditis elegans ailəsinin nematodlarına necə təsir etdiyini öyrəniblər. Paradoksal olaraq, bu halda, yaşıl çayın sağlamlıq faydalarını izah edir - oksidləşdirici stress antioksidan müdafiənin təsirini artırır.
Araşdırmanın nəticələrini əks etdirən məqalə daha sonra Aging jurnalında dərc olunub. Məlum olub ki, katexinlər reaktiv oksigen növlərinin istehsalını artırdıqda, müəyyən antioksidant fermentlər istehsal edən genlər aktivləşib. Beləliklə, yaşıl çayın tərkibindəki polifenollar orqanizmin oksidləşdirici stresslə mübarizə qabiliyyətini gücləndirən prooksidant rolunu oynayır. Nəticədə yaşıl çayın tərkibindəki katexinlər nematodların ömrünü uzadıb və fiziki göstəricilərini yaxşılaşdırıb.